Danmörk setja nýtt met í nýtingu vindorku

Á síðasta ári nýttu Danir 42% af raforkuþörf sinni með vindmillum. Það eru 3% ofar en árinu á undan og er núna hlutfallslega hæsta nýting þjóðar á vindorku.

Þeir ætla ekki að láta þar við kyrrt liggja því þeir stefna á að vera komnir yfir 50% rafnotkun á landsvísu fyrir árið 2020.

Hérna sést hvernig raforkunýting hefur aukist ár frá ári. Þegar á þessa töflu er litið, virðist áætlun Dana að ná uppí 50% nýtingu fyrir 2020 vera létt verk.

Frá: Energinet

Athugasemdir

[Espolin (IP-tala skráð) 18.1.2016 kl. 20:30]

Það eina sem gæti tafið er ef ríkisstyrkirnir hækki ekki nógu hratt. Raforkan er seld notendum á 30% af framleiðsluverði og skattgreiðendur greiða hin 70 prósentin. Raforkuframleiðendur auka ekki framleiðsluna nema fá fullt verð fyrir. Ríkið þarf því að auka niðurgreiðslurnar til að framleiðendur auki framleiðsluna.

Í flestum framleiðslugreinum er auðvelt að auka framleiðsluna ef ríkið tekur á sig framleiðslukostnaðinn og tryggir að ekki verði tap. Nokkuð sem skattgreiðendur eru ekki ætíð sáttir við.

[Krummi, 19.1.2016 kl. 04:19]

Athyglisvert. Ég er forvitinn hvað framleiðsluverðið sé á vindorku? Er þá verið að tala um að borga upp kostnaðinn við að byggja vindmylluna? Sem ég myndi trúa að sé svakalegur.

Ég gleymdi líka að setja inn að 2015 var hlutfallslega vindasamara ár en 2014, þannig það getur bjagað þessar jákvæðu tölur í súluritinu. 

[Espolin (IP-tala skráð) 19.1.2016 kl. 08:53]

Byggingar-, stofnkostnaður, er afskrifaður á einhverjum árum eða áratugum eins og með önnur framleiðslutæki. Viðhaldið er stærsti kostnaðarliðurinn og er all svakalegt.