Þrjár brotlendingar og þrjú skref nær sjálflendandi eldflaugum

Falcon 9 eldflauginni sem ætlað er að lenda sjálfvirkt á skip pramma útá sjó hefur ekki tekist ætlunarverk sitt ennþá. Þrisvar sinnum hefur verið reynt að lenda flaugunum og þær alltaf brotlent á síðustu stundu. En af myndbandinu sem youtube notandinn APTX 4869 klippti að dæma, sést hvernig hver lending er aðeins nær ætlunarverkinu. Á síðustu lendingunni var eldflaugin svo gott sem lent rétt, þegar kemur í ljós að einn lendingarfóturinn hafði ekki læst, sem valdi því að hann bognaði og flaugin datt því næst á hliðina.

 

SpaceX mistekst í þriðja sinn að lenda Falcon 9 eldflauginni á drónaskipi í sjó

Falcon 9 eldflauginni tókst að ferma Jason 3 gervitunglinu á sporbaug um jörðina, sem var meginn verkefni geimvísindastofnunarinnar. En seinna tilraunaverkefni þeirra að lenda Falcon 9 mistókst naumlega. Samkvæmt Elon Musk eiganda SpaceX, lenti Falcon 9 vel en einn af jafnvægisfótum eldflaugarinnar tókst ekki að læsast og því datt flaugin á hliðina eftir lendingu.

Hér fyrir neðan er myndband af öllu geimskotinu. (lendingin sést samt ekki)

Falcon 9 mun reyna að lenda á drónaskipi í sjónum í dag

Í dag klukkan 18:42 GMT tíma ætlar SpaceX að skjóta á loft Jason 3 geimtungli sem mun mæla yfirborð/landslag sjávarins til að hjálpa við rannsóknir á hafstraumum og loftlagsbreytingum.

Það sem er sérstaklega spennandi er að eldflaugin sem mun ferma geimtunglið er Falcon 9, eins eldflaug og þeirri sem tókst á loft og lenti aftur sjálf 21 desember síðastliðinn. Sú flaug lenti á jörðu, en nú mun SpaceX reyna í þriðja sinn að lenda eins flaug á drónaskipi í sjónum. Síðast þegar það var reynt, 14 apríl, munaði mjóu að eldflaugin lenti rétt, en á síðustu stundu datt hún á hliðina og sprakk.

Það að lenda eldflaug á vatni er flóknara verkefni en að lenda á jörðu. En ef það virkar mun það opna dyrnar fyrir rýmri skottímum og betri eldsneytisnýtingu uppá að geta valið fleiri staði á sjónum fyrir eldflaugina að miða á eftir að hún hefur komið farmi á sporbaug.

Skotáætlun: Launch Schedule

Endurupplifðu geimskot og lendingu Falcon 9

Lending Falcon 9 markaði tímamót í sögu geimvísinda. Þetta er fyrsta stigs eldflaug sem ferjar hluti úti geim, sleppir þeim á sportbraut, og þýtur svo sjálf niður til jarðar að því loknu. Þar til núna hafa þessum fyrsta stigs eldflaugum alltaf verið brotlent en Falcon 9 tókst að lenda á öruggan hátt og þannig tryggja að hægt verði að endurnýja hana. Ný fyrsta stigs eldflaug kostar samkvæmt Elon Musk eiganda SpaceX 16 milljónir dollara. En eldsneitið í henni er virði 200 þúsund dollara. Þannig það borgar sig að endurnýta flaugina ef þess gefst kostur.

Hérna fyrir neðan deili ég klippu sem geimvísindastofnunin SpaceX setti saman um stundina sem Falcon 9 lendir rétt. Þarna hafa margir vísindamenn lagt mikla vinnu í að þetta takist, og stundin sem þeim heppnast er tilfinningaþrungin.