Oculus Rift: Neytenda útgáfan

Oculu voru með stæði CES sýningunni (Consumer Electronic Show) og meðan á henni stóð komu þeir út með nokkrar tilkynningar. Verð á gleraugunum var sett á 600 dollara sem er talsvert hærra en flestir áttu von á en talað hafði verið um að gleraugun yrðu í kringum 350 dollara.  Einnig staðfestu þeir að 28 Mars yrði byrjað að senda eintök til kaupenda. Hreyfifjarstýringarnar "Oculus touch" sem von var á með gleraugunum tefjast hinsvegar og koma ekki út fyrr en á öðrum ársfjórðungi.

Pakkinn sem hægt verður að kaupa 28 mars mun innihalda Oculus Rift Gleraugu, Xbox fjarstýring, staðsetningarmyndavél fyrir gleraugun og litla fjarstýringu sem hægt er að nota á svipaðan hátt og sjónvarpsfjarstýring fyrir einfaldari aðgerðir, sú síðast nefnda myndi henta fyrir þá sem myndu vilja horfa á t.d. bíómyndir með drykk í annarri hengi.

Einnig vill ég bæta við staðreyndum um búnaðinum fyrir áhugasama:

• Linsa: 110 gráður eða gleiðari.
• Skjár: Tveir innbyggðir OLED skjáir.
• Upplausn: 2160x1200 punktar samtals með báðum skjáum.
• Endurvarptími: 90hz
• Skynjarar: Jafnvægisnemi, hröðunarnemi, segulnemi, 360° staðsetningarbúnaður.
• Tengi: HDMI 1.3 video út í gleraugu, 2x USB 3.0 port fyrir aukahluti..
  
• Þyngd: 360 grömm.
• Stýrikerfi: Oculus Home
• Tölvukröfur: NVIDIA GTX 970 / AMD 290 skjákort eða betra.
  Intel i5-4590 örgjörvi eða betri.
  8GB+ Innraminni.